Teriflunomid Zentiva

Teriflunomid Zentiva inniheldur virka efnið teriflúnómíð sem er ónæmistemprandi lyf sem dregur úr áhrifum ónæmiskerfsins á taugakerfið.

Teriflúnómíð er ónæmistemprandi lyf með bólgueyðandi eiginleika sem hamlar sértækt og afturkræft hvatberaensíminu díhýdróorótat-dehýdrógenasa (DHO-DH), sem tengist verkunarlega öndunarkeðjunni. Hömlunin leiðir til þess að teriflúnómíð dregur yfirleitt úr fjölgun frumna í hraðri skiptingu sem eru háðar nýmyndun pýrimídíns til að fjölga sér. Nákvæm verkun teriflúnómíðs við meðferð MS er ekki að fullu þekkt, en þetta er háð fækkun eitilfruma.

Ábendingar:

Teriflunomid Zentiva er ætlað til meðferðar hjá fullorðnum og börnum 10 ára og eldri, við kastaformi heila- og mænusiggs (MS).

Frábendingar:

• Ofnæmi fyrir virka efninu eða einhverju hjálparefnanna.
• Alvarlega skert lifrarstarfsemi (Child-Pugh flokkur C).
• Þungaðar konur, eða konur á barneignaraldri sem ekki nota örugga getnaðarvörn á meðan á meðferð með teriflúnómíði stendur og eftir að henni lýkur, á meðan plasmaþéttni er hærri en 0,02 mg/l.
• Útiloka verður þungun áður en meðferð hefst.
• Konur með barn á brjósti.
• Ónæmisbrestur, t.d. alnæmi.
• Verulega skert beinmergsstarfsemi eða verulegt blóðleysi, hvítfrumnafæð, daufkyrningafæð eða blóðflagnafæð.
• Sjúklingar með alvarlega, virka sýkingu mega ekki nota lyfið fyrr en sýkingin er gengin til baka.
• Sjúklingar með alvarlega skerta nýrnastarfsemi, sem eru í skilunarmeðferð, mega ekki nota lyfið, þar sem klínísk reynsla hjá þessum sjúklingahópi er ekki nægileg.
• Alvarlegur skortur á próteini í blóði, t.d. ef um er að ræða nýrungaheilkenni.

Markaðsleyfishafi: Zentiva k.s.