Remurel

Remurel inniheldur virka efnið glatíramerasetat. Ekki er að fullu ljóst með hvaða hætti glatíramerasetat verkar á MS-sjúklinga með versnandi form, en talið er að það gerist með því að móta ónæmisferla. Það hefur áhrif á starfsemi ónæmiskerfis líkamans og er flokkað sem ónæmistemprandi lyf. Talið er að einkenni MS stafi af galla í ónæmisvörnum líkamans. Staðbundnir bólgublettir myndast í heilanum og mænunni. Remurel er notað til að fækka köstum vegna MS (versnandi). Ekki hefur verið sýnt fram á að lyfið gagnist þeim sem eru með heila- og mænusigg án kasta eða fá nánast engin köst. Óvíst er hvort Remurel hefur áhrif á hversu lengi MS köstin standa yfir eða hversu slæm þau verða.

Ábendingar:

• Glatíramerasetat er ætlað til meðferðar á heila- og mænusiggi (multiple sclerosis (MS)) með köstum (relapsing forms of multiple sclerosis). Glatíramerasetat er ekki ætlað til notkunar við síversnunarformi sjúkdómsins (primary or secondary progressive MS).

Frábendingar:

• Ofnæmi fyrir virka efninu eða einhverju hjálparefnanna

Markaðsleyfishafi: Zentiva k.s.*