Piperacillin/Tazobactam Antibiotice

Piperacillin/Tazobactam Antibiotice inniheldur virku efnin piperacillinum og tazobactamum. Piperacillín tilheyrir flokki lyfja sem kallast „breiðvirk pensillínsýklalyf“. Það getur drepið margar tegundir baktería. Tazóbaktam getur komið í veg fyrir að sumar ónæmar bakteríur lifi af áhrif píperacillíns. Þetta þýðir að fleiri tegundir baktería drepast þegar píperacillín og tazóbaktam eru gefin saman.

Ábendingar:

Piperacillin/Tazobactam Antibiotice er ætlað til meðferðar við eftirfarandi sýkingum hjá fullorðnum og börnum eldri en 2 ára:

Fullorðnir og unglingar

• Alvarleg lungnabólga, þ.m.t. lungnabólga sem smitast hefur á sjúkrahúsi og í tengslum við notkun öndunarvélar
• Flóknar þvagfærasýkingar (þ.m.t. nýrna- og skjóðubólga)
• Flóknar sýkingar í kviðarholi
• Flóknar sýkingar í húð og mjúkvef (þ.m.t. sýkingar í fótum vegna sykursýki)

Til meðferðar á sjúklingum með blóðsýkingu sem kemur fram í tengslum við eða tengist hugsanlega einhverri af ofangreindum sýkingum.

Piperacillin/Tazobactam Antibiotice má nota við meðferð sjúklinga með daufkyrningafæð og hita sem grunur leikur á að sé vegna bakteríusýkingar.

Athugið: Ekki er mælt með meðferð hjá fullorðnum gegn blóðsýkingum vegna E. coli og K. Preumoniae (ónæm fyrir ceftríaxóni) sem framleiða breiðvirkan beta-laktamasa.

Börn 2 til 12 ára

• Flóknar sýkingar í kviðarholi

Piperacillin/Tazobactam Antibiotice má nota til meðferðar hjá börnum með daufkyrningafæð og hita sem grunur leikur á að sé vegna bakteríusýkingar.

Hafa skal hliðsjón af opinberum leiðbeiningum varðandi viðeigandi notkun sýklalyfja

Frábendingar:

• Ofnæmi fyrir virku efnunum, einhverju öðru penisillín-lyfi eða einhverju hjálparefnanna.
• Saga um bráð og alvarleg ofnæmisviðbrögð við öðrum beta-laktam lyfjum (t.d. sefalósporíni, mónóbaktami eða karbapenemi).

Markaðsleyfishafi: Antibiotice SA