Skip Navigation

Vísindamenn styðja UN Women með mömmupökkum

Charity
21 November 2017

Forsvarsmenn UN Women á Íslandi heimsóttu vísindamenn systurfyrirtækjanna Alvogen og Alvotech í nóvember. Þær Stella Samúelsdóttur, framkvæmdastýra og Mörtu Goðadóttur, kynningarstýra kynntu samstarf samtakanna við Alvogen og sögðu frá ferð samtakanna til Za´atari flóttamannabúðanna.

Sendinefndin fékk tækifæri til þess að ræða við fjölmargar konur í flóttamannabúðunum sem sögðu sögu sína og frá þeim slæmu aðstæðum sem þær búa við. Um 80.000 manns frá Sýrlandi hafast við í flóttamannabúðunum við bágan kost en búðirnar eru þær næststærstu í heiminum.

Alvogen er bakhjarl UN Women og kostaði ferð samtakanna til búðanna og framleiðslukostnað við gerð myndbanda sem nýst hafa í söfnunarátaki UN Women á Íslandi.

Vísindamenn systurfyrirtækjanna Alvogen og Alvotech lögðu einnig sitt af mörkum og með þeim fjármunum sem söfnuðust innan fyrirtækisins voru keyptir yfir 200 mömmupakkar fyrir nýbakaðar mæður í Za´atari. Um 80 börn fæðast í hverri viku í flóttamannabúðunum og pakkarnir innihalda burðarrúm, hlý ungbarnaföt og ullarsjal fyrir nýbakaðar mæður.

Hildur Hörn Daðadóttir, starfsmannastjóri á Íslandi sagði ánægjulegt að fá tækifæri til að leggja þessu málefni lið.

„Starfsfólk okkar á Íslandi vildi líka leggja sitt af mörkum og í gegnum innri vef fyrirtækisins var tekið við frjálsum framlögum. Á aðeins tveimur dögum söfnuðust um 830 þúsund krónur sem nýtast til kaupa á yfir 200 mömmupökkum fyrir nýbakaðar mæður.“

Hildur Hörn Daðadóttir

Starfsmannastjóri á Íslandi