Amoxin

Amoxin inniheldur virka efnið amoxicillín sem er beta-laktam sýklalyf í flokki aminópenicillína, sem notað er við meðferð sýkinga af völdum Gram neikvæðra og Gram jákvæðra amoxicillinnæmra baktería, meðal annars í öndunarvegi, þvagfærum, húð og mjúkvefjum. Við meðferð með sýklalyfjum skal hafa í huga sýklalyfjaónæmi og opinberar leiðbeiningar um viðeigandi notkun sýklalyfja á hverjum stað.

Ábending: Amoxicillin er ætlað til meðferðar við sýkingum af völdum Gram neikvæðra og Gram jákvæðra baktería sem eru næmar fyrir amoxicillini:

• Sýkingar ofarlega í öndunarvegi, s.s. bólga í miðeyra, skútabólga, bráð og langvinn berkjubólga.
• Þvagfærasýkingar.
• Bráð og langvinn nýrnasýking.
• Sýkingar í kynfærum.
• Bráðar og langvinnar sýkingar í gallrásum.
• Sýkingar í húð og mjúkvef. Borrelíusýking (Lyme sjúkdómur).
• Sýkingar af völdum Helicobacter pylori hjá sjúklingum með staðfest magasár í samsettri meðferð með prótónpumpuhemli og metronidazoli eða clarithromycini. Ef staðfest er eða grunur leikur á að um sé að ræða sýkingu af völdum H. pylori sem er ónæm fyrir metronidazoli skal nota þriggja lyfja meðferðina (prótónpumpuhemil + amoxicillin + clarithromycin).
• Til varnar gegn hjartaþelsbólgu.
• Salmonellusýkingar.

Frábending: 

• Ofnæmi fyrir amoxicillini eða einhverju hjálparefnanna eða fyrir einhverju öðru β-laktam sýklalyfi, svo sem penicillínum eða cephalósporínum.
• Einkirningasótt (Epstein-Barr veira, stórfrumuveira).

Markaðsleyfishafi: ratiopharm GmbH