Þróun líftæknilyfja

Hátæknisetur systurfyrirtækjanna Alvogen og Alvotech er nú risið innan Vísindagarða Háskóla Íslands.

Innan setursins verða þróuð hágæða líftæknilyf sem eru mikilvæg til meðhöndlunar á ýmsum algengum og erfiðum sjúkdómum eins og gigt, öðrum sjálfsónæmissjúkdómum og krabbameini. Alls verða þróuð og framleidd sex líftæknilyf á Íslandi sem munu renna af einkaleyfi á næstu árum.

Alvotech mun bera ábyrgð á þróun og framleiðslu lyfjanna. Alvogen mun ásamt öðrum lyfjafyrirtækjum sjá um markaðssetningu lyfjanna um allan heim. 

Líftæknilyf í þróun
6

Hátæknisetur

Framtíðarsýn

„Alþjóðlegur lyfjamarkaður er á tímamótum um þessar mundir. Lífæknilyf eru í miklum vexti og á næstu þremur árum verða átta af tíu söluhæstu lyfjum heims líftæknilyf. Á sama tíma hefur hægt á nýskráningum hefðbundinna samheitalyfja. Okkar markmið er að Ísland verði leiðandi í þróun og framleiðslu líftæknilyfja og íslenskt hugvit og markaðsnet okkar verði nýtt til að skapa Alvogen sérstöðu á þessu sviði.

Alvotech

Reyndir lykilstjórnendur

Lykilstjórnendur Alvotech hafa mikla alþjóðlega reynslu. Eef Schimmelpennink er forstjóri fyrirtækisins og kom til liðs við Alvotech í lok árs 2015. Eef hefur yfir 18 ára reynslu í lyfjageiranum og gegndi síðast starfi framkvæmdastjóra á alþjóðavísu yfir Sterile Injectibles hjá Pfizer. 

Samstarf við Háskólann

Hátæknisetur, sem nú er risið innan Vísindagarða Háskóla Íslands, er 13.278 fermetrar að stærð og mun hýsa framleiðslu, rannsóknastofur og skrifstofur. Innan Vísindagarða munu Alvogen og Alvotech starfa í náinni samvinnu við fræðasvið og deildir háskólans.

Starfsmenn háskólans og nemendur munu vinna að rannsóknum með starfsfólki fyrirtækjanna og starfsmenn fyrirtækjanna munu koma að kennslu og fræðslu. Þannig munu skólinn og fyrirtækin vinna saman og efla þannig fræðastarf innan HÍ auk þess sem atvinnutækifæri munu verða til fyrir háskólamenntaða starfsmenn.